દૂધ કેટલું હેલ્ધી? ગુણવત્તાની કસોટીમાં દૂધના 50 ટકા સેમ્પલ નિષ્ફળ

50 ટકા સેમ્પલ નિષ્ફળઃ

સુષ્મી દે, નવી દિલ્હીઃ તાજેતરમાં જ હાથ ધરાયેલી તપાસમાં દૂધના 50 ટકા સેમ્પલ ગુણવત્તાની કસોટીમાં નિષ્ફળ ગયા હતા. આ ટેસ્ટમાં કાચા દૂધ અને પ્રોસેસ્ડ દૂધ બંનેનો સમાવેશ થાય છે. દૂધ માટે ગુણવત્તાના જે ધારાધોરણો તૈયાર કરાયા છે તેમાંથી મોટા ભાગના દૂધના સેમ્પલ ઉણા ઉતર્યા છે. આમાંથી 10 ટકા સેમ્પલ તો અસુરક્ષિત જાહેર કરાયા હતા. આ માટે દેશમાં દૂધની ગુણવત્તા પર વધુ નિયંત્રણ લાદવાની ચિંતા વ્યક્ત કરવામાં આવી હતી.

સર્વેમાં થયો ખુલાસોઃ

તપાસ દરમિયાન માલૂમ પડ્યું કે બધા જ સેમ્પલમાંથી 39 ટકા સેમ્પલ ગુણવત્તાના ધારાધોરણોને અનુરુપ નહતા છતાંય સુરક્ષિત હતા.પરંતુ પ્રોસેસ્ડ મિલ્કના 46.8 ટકા સેમ્પલ એવા હતા જે ફૂડ સેફ્ટી અને સ્ટાન્ડર્ડ્સ ઓથોરિટી ઑફ ઈન્ડિયા (FSSAI)ના ધારાધોરણોને બિલકુલ મળતા નહતા. તેમાંથી 17.3 ટકા સેમ્પલ અસુરક્ષિત જાહેર કરાયા હતા. બીજી બાજુ કાચા દૂધમાં 4.9 ટકા કાચા દૂધના સેમ્પલ પીવા માટે સુરક્ષિત નહતા. 45.4 ટકા કાચા દૂધના સેમ્પલ ગુણવત્તાના ધારાધોરણોને અનુરુપ નહતા છતાંય લોકોના સ્વાસ્થ્ય માટે સુરક્ત હતા. નેશનલ મિલ્ક સેફ્ટી એન્ડ ક્વોલિટી સર્વે 2018માં આ હકીકત પ્રકાશમાં આવી હતી.

પ્રોસેસ્ડ મિલ્ક પણ સુરક્ષિત નથીઃ

FSSAI ચીફ એક્ઝિક્યુટિવ પવન અગ્રવાલે જણાવ્યું, “આ સર્વેથી અમને આશ્ચર્ય થયું છે, ખાસ કરીને પ્રોસેસ્ડ મિલ્કના સેમ્પલ અંગે. કારણ કે પ્રોસેસ્ડ મિલ્ક ઓર્ગેનાઈઝ્ડ સેક્ટરમાંથી આવે છે. અમારી પાસે તેમની બ્રાન્ડ અને લોકેશન અંગેની વિગતો છે. અમે આ અંગે વિગતે તપાસ કરી રહ્યા છીએ અને ટૂંક જ સમયમાં જરૂરી પગલા ભરીશું.” જો કે તેમણે એ વાત પકડી રાખી કે ભારતમાં વેચાતુ દૂધ લોકો માટે મહદંશે સુરક્ષિત છે. તેમાં જે જોખમકારક પદાર્થો મળી આવ્યા છે તે મુખ્યત્વે ખેતીની ઉતરતી જતી પ્રસ્થાપિત રીતને કારણે છે.

આ ઝેરી તત્વો મળી આવ્યાઃ

એક અંદાજ મુજબ દેશમાં પ્રોસેસ્ડ કરતા કાચા દૂધનું વધારે સેવન થાય છે. મોટા ભાગની વસ્તી હજુ પણ ગ્રામ્ય વિસ્તારમાં રહે છે. પરંતુ ઓર્ગેનાઈઝ્ડ સેક્ટરના ખેલાડીઓના વ્યાપક નેટવર્કને કારણે પ્રોસેસ્ડ દૂધનો પગપેસારો વધતો જાય છે. સર્વેના તારણો જણાવે છે કે દૂધમાં એન્ટિબાયોટિક, કૃત્રિમ ખાતર જેવા કે એમોનિયમ સલ્ફેટ અને વિષ તત્વો જેવા કે અફ્લટોકિ્સન M1 જેવા તત્વો મળી આવ્યા છે. આ તત્વો મુખ્યત્વે મકાઈ, કપાસ અને સૂકામેવાના ઝાડમાંથી મળી આવે છે. દૂધમાં આ બધા જ તત્વો ટોલરન્સ લેવલ કરતા વધારે છે. પ્રોસેસ્ડ દૂધમાં આ તમામ અસુરક્ષિત તત્વો મોજૂદ છે. FSSAI એ થર્ડ પાર્ટી ફૂડ ટેસ્ટિંગ લેબ વિમ્ટા લેબને આ કામ સોંપ્યુ હતુ. આ માટે આખા દેશમાંથી 6432 સેમ્પલ મેથી ઓક્ટોબર 2018 એમ છ મહિનાના ગાળામાં લેવાયા હતા.

from Page Array – I Am Gujarat https://ift.tt/2zcazbA


from Gujarati Blog Tips-In this guide we are going to see how to Advertise On Facebook,Free Website https://ift.tt/2QEdDUE