અમેરિકાના પ્રેસિડન્ટ પદની ચૂંટણી લડશે તુલસી!

US કોંગ્રેસમાં પહેલા હિંદુ સાંસદ છે તુલસી ગબ્બાર્ડ

વોશિંગ્ટન: અમેરિકન કોંગ્રેસમાં પહેલા હિંદુ સાંસદ તુલસી ગબ્બાર્ડ 2020માં રાષ્ટ્ર પ્રમુખની ચૂંટણી લડવાનો વિચાર કરી રહી છે. લોસ એન્જલસના મેડટ્રોનિક કોન્ફરન્સમાં શુક્રવારે પ્રતિષ્ઠિત ભારતીય-અમેરિકન ડોક્ટર સંપત શિવાંગીએ તુલસી (37)નો પરિચય કરાવ્યો. સંપતે કહ્યું કે, તુલસી 2020માં અમેરિકાના નવા રાષ્ટ્રપતિ બની શકે છે. તેમના સંક્ષિપ્ત સ્ટેટમેન્ટ બાદ લોકોએ ઊભા થઈને તેમનું અભિવાદન કર્યું.

અમારા ન્યૂઝ Whatsapp પર મેળવવા અહીં ક્લિક કરો

ક્રિસમસ દરમિયાન લેશે નિર્ણય

ડેમોક્રેટની હવાઈથી સાંસદ તુલસીએ પણ સભાને સંબોધિત કરી. જોકે, તેમણે રાષ્ટ્રપતિ ચૂંટણીમાં ઊભા રહેવાની વાતની પુષ્ટી કે ખંડન પણ ન કર્યું. માનવામાં આવી રહ્યું છે કે, આ ક્રિસમસ દરમિયાન તે નિર્ણય કરી શકે છે. જોકે, તે ઔપચારિક જાહેરાત નહીં હોય અને તેના પર આગામી વર્ષે નિર્ણય લેવામાં આવી શકે છે. એવું કહેવામાં આવી રહ્યું છે કે, તેઓ અને તેમની ટીમ સંભવિત દાન આપનારાઓનો સંપર્ક કરી રહી છે, જેમાંથી ઘણા ભારતીય મૂળના છે. તેઓ વોલિન્ટિયર્સના સંપર્કમાં પણ છે, કે જે 2020ની ચૂંટણીમાં તેમના માટે પ્રભાવશાળી પ્રચાર કરશે.

ભારતીય નથી તુલસી, પણ અપનાવ્યો છે હિંદુ ધર્મ

તુલસી ભારતીય મૂળના લોકોમાં ઘણાં ચર્ચિત છે. તેમની ટીમે ભારતીય મૂળના લોકોને સાધવા માટે કામ શરૂ કરી દીધું છે. કે જે અમેરિકામાં યહૂદીઓ બાદ સૌથી વધુ અમીર એથનિક સમુદાય માનવામાં આવે છે. ઘણા રાજ્યોમાં ભારતીય મૂળના લોકો મતદાનમાં મહત્વપૂર્ણ હોઈ શકે છે. તુલસી ભારતીય નથી. તેમનો જન્મ હવાઈના સ્ટેટ સેનેટર તેમજ કેથલિક પિતાના ઘરે થયો અને તેમની માતા કકેસિયન સમુદાયનાં છે, જેમણે હિંદુ ધર્મ અપનાવી લીધો હતો. તુલસી બે વર્ષનાં હતાં ત્યારથી હવાઈમાં રહે છે અને તેમણે પણ કિશોરાવસ્થામાં હિંદુ ધર્મ અપનાવી લીધો હતો.

તો સૌથી યુવાન અને પહેલા મહિલા રાષ્ટ્રપતિ હશે તુલસી

જો તેઓ રાષ્ટ્રપતિની ચૂંટણીમાં ઉમેદવાર જાહેર થાય છે, તો તે એક અગ્રણી રાજકીય પાર્ટીના પહેલા હિંદુ ઉમેદવાર હશે. જો તે ચૂંટાય છે તો તે સૌથી યુવાન અને પહેલા મહિલા રાષ્ટ્રપતિ હશે. તુલસી ગત સપ્તાહે જ પ્રતિનિધિ સભા માટે ચોથી વખત ચૂંટાયા છે.

from Page Array – I Am Gujarat https://ift.tt/2DAIv5s


from Gujarati Blog Tips-In this guide we are going to see how to Advertise On Facebook,Free Website https://ift.tt/2QEBOSQ