ICC T20 રેંકિંગ : ભારત બીજા ક્રમે, કુલદીપે લગાવી લાંબી છલાંગ

14 ક્રમની છલાંગ સાથે કુલદીપ 23મા સ્થાને

દુબઈ: ભારતની વિન્ડીઝ પર જીતમાં મહત્વની ભૂમિકા ભજવનારા ચાઈનામેન બોલર કુલદીપ યાદવે ICC T20 રેંકિંગમાં 14 ક્રમની જોરદાર છલાંગ લગાવી છે અને તે પોતાના કરિયરના સર્વશ્રેષ્ઠ 23મા ક્રમે પહોંચી ગયો છે. કુલદીપે વિન્ડીઝ સામેની ટી20 સીરીઝમાં 3 મેચોમાં 5 વિકેટ્સ લીધી. ICC દ્વારા રજૂ કરવામાં આવેલી ટીમ રેંકિંગની વાત કરીએ તો પાકિસ્તાન પ્રથમ અને ભારત બીજા સ્થાને છે.

અમારા ન્યૂઝ WhatsApp પર વાંચવા અહીં ક્લિક કરો

ભુવી-બુમરાહની રેંકિંગમાં પણ સુધારો

આઈસીસીની સોમવારે રજૂ કરવામાં આવેલી નવી રેંકિંગમાં ફાસ્ટ બોલર ભુવનેશ્વર કુમાર 9 ક્રમના ઉછાળા સાથે ટોપ 20માં પહોંચી ગયો છે. તે હવે 19મા જ્યારે જસપ્રીત બુમરાહ 21મા સ્થાને છે. બુમરાહે પાંચ સ્થાનની છલાંગ લગાવી છે.

રોહિત સાતમા, ધવન 16મા ક્રમે

ભારતીય બેટ્સમેનોમાં રોહિત શર્મા અને ઓપનર શિખર ધવને પણ પોતાની રેંકિંગમાં સુધારો કર્યો છે. આ સીરીઝમાં ટીમની આગેવાની કરનારા રોહિત 3 સ્થાન ઉપર ચડીને 7મા જ્યારે ધવન પાંચ ક્રમની છલાંગ સાથે 16મા સ્થાને પહોંચી ગયો છે. ટીમ રેંકિંગમાં પાકિસ્તાન 138 જ્યારે ભારત 127 પોઈન્ટ સાથે પ્રથમ અને બીજા સ્થાને છે.

મેક્સવેલ નંબર-1 ઑલરાઉન્ડર

ઓલરાઉન્ડર્સની યાદીમાં ટોચના 4 ક્રમમાં કોઈ બદલાવ થયો નથી. ઑસ્ટ્રેલિયાનો ગ્લેન મેક્સવેલ પ્રથમ સ્થાને છે. તેના પછી મોહમ્મદ નબી, શાકિબ અલ હસન અને જેપી ડુમિનીનો નંબર આવે છે. આ મહીને ઑસ્ટ્રેલિયાને ચાર ટી20 ઈન્ટરનેશનલ મેચ રમવાની છે. તેમાંથી એક સાઉથ આફ્રિકા અને ત્રણ ભારત સામે છે.

…ઓસી. છીનવી લેશે ભારતનું સ્થાન

જો ઑસ્ટ્રેલિયા આ ચારેય મેચોમાં જીત મેળવે છે તો તેના 126 અંક થઈ જશે અને તે બીજા સ્થાને આવી જશે પણ જો તે તમામ ચાર મેચો હારી જશે તો 112 પોઈન્ટ સાથે છઠ્ઠા સ્થાને પહોંચી જશે. આ જ રીતે જો સાઉથ આફ્રિકા 17 નવેમ્બરે રમાનારી મેચ જીતશે તો તેને 3 પોઈન્ટ્સ મળશે અને ભારત ઑસ્ટ્રેલિયા સામેની ત્રણેય મેચો જીતશે તો તેની પાસે 129 પૉઈન્ટ્સ થઈ જશે.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat https://ift.tt/2z8UfbC


from Gujarati Blog Tips-In this guide we are going to see how to Advertise On Facebook,Free Website https://ift.tt/2FsWgFs