રાહુલ મહાજને 18 વર્ષ નાની ગર્લફ્રેન્ડ સાથે કર્યા ત્રીજા લગ્ન

રાહુલ મહાજને કઝાકિસ્તાનની મોડલ સાથે કર્યા લગ્ન

તન્વી ત્રિવેદી, મુંબઈ: ટીવી અને રિયાલિટી શોઝથી ઓળખ ઊભી કરનારા અને દિવંગત નેતા પ્રમોદ મહાજનના પુત્ર રાહુલ મહાજને પોતાના બે નિષ્ફળ લગ્નો બાદ ત્રીજી વખત લગ્ન કરી લીધા છે. રાહુલે આ વખતે પોતાની ગર્લફ્રેન્ડ અને કઝાકિસ્તાનની મોડલ નતાલ્યા ઈલિના સાથે લગ્ન કર્યા છે. રાહુલ 43 વર્ષનો છે અને નટાલ્યા તેના કરતા 18 વર્ષ નાની છે.
અમારા ન્યૂઝ Whatsapp પર મેળવવા માટે ક્લિક કરો

લગ્નમાં પરિવારના લોકોને જ અપાયું હતું આમંત્રણ

રાહુલ અને નતાલ્યાના આ લગ્ન મુંબઈના માલાબાર હિલના એક મંદિરમાં થયા હતા અને તેમાં માત્ર પરિવારના લોકોને જ આમંત્રણ અપાયું હતું. રાહુલ અને નતાલ્યાની મુલાકાત એક કોમન ફ્રેન્ડ દ્વારા થઈ હતી. બંને એકબીજાને દોઢ વર્ષથી જાણતા હતા અને એકબીજાને ડેટ કરી રહ્યા હતા. ગત મહિને જ રાહુલે નતાલ્યાને પ્રપોઝ કર્યું હતું.

પહેલા બે લગ્નો વિશે રાહુલ કહ્યું કંઈક આવું

ઉલ્લેખનીય છે કે, આ પહેલા રાહુલના પહેલા લગ્ન એક પાઈલોટ શ્વેતા સિંહ સાથે થયા હતા. તે પછી તેણે રિયાલિટી શો દ્વારા ડિમ્પી ગાંગુલી સાથે લગ્ન કર્યા હતા. રાહુલે કહ્યું કે, ‘પહેલા થયેલા મારા બંને લગ્ન ઉતાવળમાં થયા હતા. જોકે, મારી બંને પૂર્વ પત્નીઓ શ્વેતા અને ડિમ્પી સારી વ્યક્તિ છે. છેલ્લા ઘણા દિવસોથી હું એકલાપણું અનુભવી રહ્યો હતો અને નતાલ્યામાં મને મારી જીવનસાથી દેખાઈ.’

ત્રીજા લગ્નને ખાનગી રાખવા માગતો હતો રાહુલ

નતાલ્યા સાથે લગ્ન અંગે તેણે જણાવ્યું કે, ‘હું આ લગ્નને ખાનગી રાખવા માગતો હતો. હું તેના વિશે એક વર્ષ સુધી વાત કરવા નહોંતો માગતો કેમકે આ મારા ત્રીજા લગ્ન છે અને હું નહોંતો ઈચ્છતો કે લોકો ફરી વાતો કરવાનું શરૂ કરી દે. મેં આ લગ્ન અંગે બધાને પહેલી વેડિંગ એનિવર્સરીએ જણાવવાનું નક્કી કર્યું હતું. પણ એવું ન થઈ શક્યું.’

નતાલ્યાએ અપનાવ્યો હિંદુ ધર્મ

રાહુલે જણાવ્યું કે, નતાલ્યાએ હિંદુ ધર્મ અપનાવી લીધો છે. રાહુલ કહ્યું કે, ‘તેણે હિંદુ ધર્મમાં રસ બતાવ્યો હતો અને તે અપનાવવાનો તેનો પોતાનો નિર્ણય હતો. તે મંગળસૂત્ર પહેરે છે અને ધાર્મિક પુસ્તકો પણ વાંચે છે. હું નવી શરૂઆત કરવા જઈ રહ્યો છું.’

from Gujarati Blog Tips-In this guide we are going to see how to Advertise On Facebook,Free Website https://ift.tt/2TFIhyU