મુંબઈની નામચીન ઝૂંપડપટ્ટી ધારાવીનું રીડેલવપમેન્ટ થશે, આટલા હજાર કરોડનો છે પ્રોજેક્ટ

એશિયાની સૌથી મોટી ઝૂંપડપટ્ટી હટશે?

કૈલાશ બાબર, મુંબઈ: એશિયાની સૌથી મોટી ઝૂંપડપટ્ટી એવી ધારાવીનું હવે રીડેવલપમેન્ટ થવા જઈ રહ્યું છે. છેલ્લા 15 વર્ષમાં ધારાવીના રીડેવલપમેન્ટના ત્રણ નિષ્ફળ પ્રયાસ પછી હવે મહારાષ્ટ્ર સરકારે તેના માટે ગ્લોબલ ટેન્ડર બહાર પાડ્યું છે.

અમારા ન્યૂઝ Whatsapp પર મેળવવા માટે ક્લિક કરો

593 એકરમાં ફેલાયેલી છે ધારાવી

593 એકરમાં ફેલાયેલી ધારાવીની બીડની લઘુત્તમ રકમ 3,150 કરોડ રુપિયા નક્કી કરવામાં આવી છે. જે પાર્ટી સૌથી વધુ બોલી લગાવશે તેને આ પ્રોજેક્ટ મહારાષ્ટ્ર સરકાર આપશે. આ વખતે ભારત ઉપરાંત વિદેશના ડેવલપર્સ પણ આ પ્રક્રિયામાં હિસ્સો લેવાના છે.

ઝૂંપડપટ્ટીમાં રહેનારાને ફ્રીમાં મળશે મકાન

જેને પણ ધારાવીના રીડેવલમેન્ટનું ટેન્ડર મળશે તેણે હાલ આ ઝૂંપડપટ્ટીમાં રહેતા લોકો માટે મફતમાં ઘર બનાવી આપવા પડશે. ત્યારબાદ જે પણ જમીન વધશે તેમાં પોતાનું કન્સ્ટ્રક્શન કરીને ડેવલપર માર્કેટમાં તેનું વેચાણ કરી શકશે. તેમાં તેને ચાર ગણી એફએસઆઈ પણ મળશે. આવતા વર્ષે ચૂંટણી આવી રહી છે તે પહેલા જ સરકાર આ કામ પૂરું કરી દેવા માગે છે.

એક મહિના સુધી ચાલશે ટેન્ડરિંગ

આ અંગેનું ટેન્ડર 28 નવેમ્બરથી 28 ડિસેમ્બર સુધી ભરી શકાશે. મહારાષ્ટ્ર સરકારે હાલમાં જ ધારાવીને પ્લાન્ડ ટાઉનશીપ તરીકે ડેવલપ કરવાનો નિર્ણય લીધો હતો, જેના માટે આખા એરિયાને નોટિફાઈ કરી સ્લમ રિડેવલપમેન્ટ ઓથોરિટીની રચના પણ કરવામાં આવી હતી.

ગેમ ચેન્જર પ્રોજેક્ટ

જો ધારાવીનું રીડેલવપમેન્ટ થઈ જાય તો મુંબઈની શકલ બદલાઈ જાય, તેટલું જ નહીં મહારાષ્ટ્રમાં આ સમગ્ર પ્રોજેક્ટ એક પોલિટિકલ ગેમ ચેન્જર પણ મનાઈ રહ્યો છે. અગાઉ ધારાવીના પાંચ ભાગ પાડી તેમાંથી એકમાં હાલ ધારાવીમાં રહેતા લોકો માટે મકાન બનાવવાનું, અને બાકીના ચાર ભાગમાં ખાનગી બાંધકામ કરી તેને માર્કેટમાં વેચવાનું આયોજન હતું. જોકે, હવે સરકારે તેને સિંગલ પ્રોજેક્ટમાં તબદીલ કર્યો છે.

મહારાષ્ટ્ર સરકારની 20 ટકા ભાગીદારી

આ સમગ્ર પ્રક્રિયામાં પસંદ થનારી પાર્ટીએ સ્પેશિયલ પર્પઝ વ્હીકલ (SPV)ની રચના કરવી પડશે, અને તેમાં 400 કરોડ એટલે કે લગભગ 80 ટકા હિસ્સાનું રોકાણ કરવું પડશે, જ્યારે મહારાષ્ટ્ર સરકાર 100 કરોડ રુપિયા રોકી તેમાં 20 ટકા હિસ્સો પોતાની પાસે રાખશે. 400 કરોડની ઈક્વિટી ઉપરાંત આ પ્રોજેકટ માટે જે પણ વધુ રોકાણની જરુર પડશે તેને લીડ પાર્ટનર ડિબેન્ચર્સ કે પ્રેફરન્સ શેર કે અન્ય કોઈ કન્વર્ટીબલ ઈન્સ્ટ્રુમેન્ટ્સ દ્વારા ઉભું કરવામાં આવશે.

from Page Array – I Am Gujarat https://ift.tt/2DVEAAz


from Gujarati Blog Tips-In this guide we are going to see how to Advertise On Facebook,Free Website https://ift.tt/2r25lL2