અકસ્માતમાં ગુમાવ્યો પગ, સાજેશ બન્યો કેરળનો પહેલો બ્લેડ રનર

શ્રીજીત ટી,કન્નૂરઃ કેરળના કન્નૂરમાં રહેતા સાજેશ કૃષ્ણન રાજ્યનો પહેલો બ્લેડ રનર બની ગયો છે. 18 વર્ષની ઉંમરમાં પોતાનો પગ ગુમાવનારા રાજેશ આજે મેરેથનમાં દોડી રહ્યો છે. તેની પસંદગી ઈન્ડોનેશિયામાં થવા જઈ રહેલી ઈન્ટરનેશનલ મેરેથોન માટે કરવામાં આવી છે.

સાજેશ જ્યારે બીટેકના પ્રથમ વર્ષમાં અભ્યાસ કરતો હતો ત્યારે તેના બાઈકનું એક્સિડેન્ટ થયું હતું. આ સમયે તેનો મિત્ર બાઈક ચલાવી રહ્યો હતો, સાજેશને ટક્કર લાગતા તે દૂર પડી ગયો અને એક ટ્રોલી તેના પગ પરથી નીકળી ગઈ. તેનો જીવ બચાવવા માટે ડોક્ટરોએ ઘુંટણ નીચેનો પગ કાપવો પડ્યો હતો.

જીવનમાં આવી રીતે આવ્યો ચેન્જ

પગ કપાઈ ગયા બાદ સાજેશને હાર માની ચૂક્યો હતો. એક દિવસ તે ફેસબુકના ‘The Challenging Ones’ પેજ સાથે જોડાયો. ત્યાર બાદ તેના જીવનમાં ફેરફાર દેખાયો. બ્લેડ રન અને સેનાના પૂર્વ મેજર ડીપી સિંહના આ ફેસબુક પેજએ સાજેશની જીંદગીમાં નવા રંગો ભરી દીધા. ડીપી સિંહના પેજમાં સાજેશ જેવા જ અનેક લોકો પોતાના અનુભવ શેર કરે છે. આ પેજ પર બ્લેડ રનર્સના વીડિયો પણ શેર કરવામાં આવ્યા છે. આ વીડિયો જોઈને અને લોકોના અનુભવ વાંચીને સાજેશને પ્રેરણા મળી અને તેને પણ કંઈક કરવાનો નિર્ણય કર્યો.

ડોક્ટરોએ આપી છ લાખની બ્લેડ

કોચ્ચીમાં પહેલી વખત સ્પાઈસ કોસ્ટ મેરેથોનમાં સાજેશે ભાગ લીધો અને દોડવાનો પ્રયાસ કર્યો. પોતાના આર્ટિફિશયલ પગથી તે 48 મિનિટમાં 5 કિલોમીટર દોડ્યો. 2017માં વેક્યુલર સોસાયટી ઓફ ઈન્ડિયાના ડોક્ટરોના એક ગ્રુપે સાજેશને મેરેથોનમાં ભાગ લેવા માટે બોલાવ્યો. અહીં સાજેશને એક બ્લેડ ગિફ્ટ કરવામાં આવી જે તેને દોડવામાં મદદ કરે છે. આ બ્લેડની કિંમત માર્કેટમાં 6 લાખ રૂપિયા છે. આ બ્લેડ મળ્યા બાદ સાજેશે અનેક નવા રેકોર્ડ બનાવવાની શરૂઆત કરી દીધી.

અનેક રેકોર્ડ બનાવ્યા

સાજેશના નામે એક નહીં ઘણા બધા રેકોર્ડ નોંધાયા છે. સાજેશને ભારતની નેશનલ ફૂટબોલ ટીમમાં પેરા એમ્યુટી ફૂટબોલ અસોસિયએશન દ્વારા પેરા એમ્યુટી માટે પસંદ કરવામાં આવ્યો છે. સાજેશનું સપનું છે કે પેરા બેડમિન્ટનનો ભાગ બને. જેના માટે તે સંઘર્ષ કરી રહ્યો છે કેમ કે તેને ટ્રેનિંગ આપવા માટે કોઈ કોચ નથી.

આર્થિક બાબતો બની રહી છે મુશ્કેલી

સાજેશે મિકેનિકલ એન્જિનયિંગમાં બીટેક કર્યું છે અને સરકારી આઈટીઆઈમાં ગેસ્ટ ફેકલ્ટી છે. અસ્થાયી નોકરી સાથે તે ખૂબ મોટું સપનું જોઈ રહ્યો છે. તે હંમેશા હસતો જોવા મળે છે. સાજેશે કહ્યું કે ઓનલાઈન અને ઓફલાઈન તેના ઘણા બધા મિત્રો છે. પરંતુ તેના સપનાની વચ્ચે આર્થિક મુશ્કેલી આવી રહી છે. તે કહે છે કે, ‘સરકાર પાસેથી તેના માટે આર્થિક સહાયતા મેળવવી ખૂબ જ મુશ્કેલ છે. મોટાભાગના મારા જેવા ખેલાડીઓ પોતાની રીતે જ આગળ વધે છે. ટ્રેનિંગથી લઈને જરૂરી સાધનો અને સ્વાસ્થ્ય સંબંધી મદદ માટેની તમામ વ્યવસ્થા ખેલાડીએ જ કરવી પડે છે.’

સકારાત્મક વિચાર અને વાસ્તવિકતાને સ્વીકારી

સાજેશે કહ્યું કે ‘વાસ્તવિકતાનો સ્વીકાર કરવી મને વધારે મદદરૂપથઈ. પોતાના નસીબનો વાંક કાઢવો, દુઃખી રહેવું અને હાર માની લેવી ખૂબ જ સરળ છે. મારી સાથે જે બન્યું તેનો મેં સ્વીકાર કરી લીધો અને નક્કી કર્યું કે હું ક્યારેય હાર માનીશ નહીં. હું જીવવા માંગતો હતો, આગળ વધવા માંગતો હતો. મારા સકારાત્મક વિચારોએ ખૂબ મદદ કરી.’

from Page Array – I Am Gujarat https://ift.tt/2QHa6oQ


from Gujarati Blog Tips-In this guide we are going to see how to Advertise On Facebook,Free Website https://ift.tt/2PundgA