ક્રેડિટ રેટિંગ એજન્સીઓ માટે આકરા ડિસ્ક્લોઝર રુલ્સ

66614753

મુંબઈ:બજારની નિયમનકાર સેબીએ મંગળવારે ક્રેડિટ રેટિંગ એજન્સીઓ માટે કડક નિયમો લાગુ કર્યા હતા. તે મુજબ રેટિંગ એજન્સીઓ (CRA)એ વધારે ડિસ્ક્લોઝર આપવા પડશે. CRAએ ઇશ્યુઅરની ક્રેડિટની વિશ્વસનીયતાને અસર કરે તેવાં પરિબળો પર નજર રાખીને તેનું વિશ્લેષણ કરવું પડશે. તેમણે રેટિંગ આપવા માટે રેટિંગ કમિટી દ્વારા તૈયાર કરવામાં આવેલી રેટિંગ નોટમાં તેની ચર્ચા પણ કરવાની રહેશે. આવાં સંબંધિત પરિબળોને રેટિંગ એક્શન અંગેની પ્રેસ રિલીઝમાં પણ સામેલ કરવા પડશે તેમ સેબીએ જણાવ્યું હતું.

હવેથી CRAએ માહિતી પૂરી પાડવી પડશે કે રેટિંગમાં સમયસર ઋણની ચુકવણી કરી શકાય તે માટે ફંડની અપેક્ષા અંગે પેરન્ટ, ગ્રૂપ કે સરકારના સપોર્ટને ફેક્ટર ઈન કરવામાં આવ્યું છે કે નહીં. તેમણે આવી અપેક્ષાઓના તર્ક ઉપરાંત આવી એન્ટિટીનાં નામ જાહેર કરવા પડશે.

જ્યારે પેટાકંપનીઓ અથવા ગ્રૂપ કંપનીઓને એક રેટિંગ પર પહોંચવા માટે કોન્સોલિડેટ કરવામાં આવે ત્યારે આવી તમામ કંપનીઓ તથા કોન્સોલિડેશનના પ્રમાણ (ફુલ, પ્રમાણસર કે મોડરેટ) વિશે પણ માહિતી CRA દ્વારા આપવાની રહેશે.

CRAની પ્રેસ રિલીઝમાં હવેથી લિક્વિડિટી અંગે એક ચોક્કસ સેક્શનનો સમાવેશ કરાશે જેમાં લિક્વિડ ઇન્વેસ્ટમેન્ટ અથવા કેસ બેલેન્સ, અનલિસ્ટેડ ક્રેડિટ લિક્વિડિટી કવરેજ રેશિયોનું એક્સેસ, મેચ્યોરિંગ ડેટને ચૂકવવા માટે પૂરતા પ્રમાણમાં કેશ ફ્લો વગેરેને ધ્યાનમાં લેવામાં આવશે. CRA ટૂંકા ગાળામાં ચુકવણીની શરતો પૂરી કરવા બાહ્ય સપોર્ટના લિંકેજને પણ જાહેર કરશે.

સેબીએ રેટિંગ આપતી વખતે ઇશ્યૂકર્તાની કથળતી જતી તરલતાની સ્થિતિ અને એસેટ-લાયેબિલિટીના અસંતુલનને ધ્યાનમાં લેવા રેટિંગ એજન્સીઓને જણાવ્યું છે. આ ઉપરાંત સેબીએ લિક્વિડિટી માટે એક ચોક્કસ સેક્શન અમલમાં મૂક્યો છે જેમાં લિક્વિડ ઇન્વેસ્ટમેન્ટ અથવા કેશ બેલેન્સ, વણવપરાયેલી ક્રેડિટ લાઇનનું એક્સેસ, લિક્વિડિટી કવરેજ રેશિયો, વગેરેને હાઇલાઇટ કરવામાં આવશે.

સીઆરએએ પાંચ વર્ષના ગાળા માટે તેમના એવરેજ એક-વર્ષના રેટિંગ ટ્રાન્ઝિશન પોતાની વેબસાઇટ પર દર્શાવવાના રહેશે. તેમાં દરેક રેટિંગ કેટેગરી માટે ટ્રાન્ઝિશનની વેઇટેડ એવરેજને ગણતરીમાં લેવામાં આવશે.

]]>

from Page Array – I Am Gujarat https://ift.tt/2z95pNx


from Gujarati Blog Tips-In this guide we are going to see how to Advertise On Facebook,Free Website https://ift.tt/2JThvP2