દાર્જિલિંગ જઈને કાંચનજંગાની પર્વતમાળાઓ જોશો તો પાછું આવવાનું મન નહીં થાય

દાર્જિલિંગ ન જોયું તો શું જોયું

જો આ ઉનાળામાં તમારા ટ્રિપ કરવાના તમામ પ્લાન નિષ્ફળ રહ્યાં હોય તો ચિંતા ન કરો, દાર્જિલિંગ વર્ષના ગમે તે સમયે તમારા માટે એક શ્રેષ્ઠ વિકલ્પ છે. અહીં તમારા માથા પરથી કાયમ હજારો વાદળ પસાર થયા રહે છે. અહીં જૂના વળાંક વાળા રોડ્સ છે. અહીં જૂના ઘરના યાદ અપાવનારું વાતાવરણ છે અને સૌથી મહત્વની વાત અહીં  કાંચનજગા દાર્જિલિંગનો સ્પેશિયલ ટચ છે.

સત્યજીત રાયની ‘કાંચનજંગા’ જોઈ લેજો

જાણીતા ફિલ્મ નિર્દેશક સત્યજીત રાયે 1962માં પોતાની ફિલ્મ ‘કાંચનજંગા’માં દાર્જિલિંગને કેપ્ચર કરવાનો અદભુત પ્રયાસ કર્યો છે, જે કોઈ કવિતાથી કમ નથી. ફિલ્મમાં એક બંગાળી પરિવાર દાર્જિલિંગમાં રજાઓ માણવા જાય છે અને અદભુત કાંચનજંગાને જોવા માટે થોડા દિવસ માટે ત્યાં રોકાઈ જાય છે અને આ નજારો પશ્ચિમ બંગાળના લોકો માટે જાણે તીર્થસ્થાનની યાત્રા સમાન બની જાય છે.

આ રીતે પોતાની જાતને એન્ટરટેઈન કરો

દાર્જિલિંગમાં ઠંડી સાંજે તમે થુપકા(એક જાતનું ગરમ પીણું)થી પોતાના શરીરને ગરમાવો આપી શકો છો અને સાથે જ Joey’s પબમાં સીક્કીમની પ્રખ્યાત સુપ્રીમ રમની મજા લઈ શકો છો. જો આટલું પૂરતું ન હોય તો તમે કન્ટ્રી રોડ્સ પર પરફોર્મિંગ બેન્ડ સાથે ગીતો ગાઈ શકો છો. તમારે અહીં માત્ર સારી ઊંઘ લેવી જરૂરી છે, કારણ કે, સવારે કાંચનજંગાની પર્વતમાળાઓને જોવી ખૂબ જ જરૂરી છે. અહીં દરેકને તે જોવાની આતુરતા રહે છે અને તેઓ ધુમ્મસ હટવા તથા ચમકતા સૂરજના ઉગવાની રાહ જોતા રહે છે.

ખૂબ અલગ અને અદભુત અહીંની ફિલ

બંગાળમાં જેમ-જેમ ઉનાળો વર્તાવવાનું શરૂ થાય છે તેમ-તેમ અહીંના લોકો સમર વેકેશન માટે હિલ્સમાં જવાનો પ્લાન બનાવવા લાગે છે. સિક્કિમ ભલે અહીંથી સમાન અંતર પર જ હોય પણ દાર્જિલિંગાં ઘર જેવો અહેસાસ છે. આ સ્થળનું એક અલગ જ આકર્ષણ છે અને અહીં આધુનિકરણનું મહત્વ ખૂબ જ ઓછું છે. ભલે તમે ગ્લેનરીમાં લંચ કરી રહ્યાં હોવ કે પછી કેવેન્ટરમાં બ્રેકફાસ્ટ લઈ રહ્યાં હોવ, અહીં બધું ભૂતકાળની યાદ અપાવે છે. અહીં અંગ્રેજો દ્વારા બાંધવામાં આવેલી જૂની અને ભવ્ય ઈમારતો છે જે તેમણે ઉનાળામાં અહીં રહેવા માટે બનાવી હતી. આ મોટાભાગની જગ્યાઓ પરથી તમે દુનિયાની ત્રીજી સૌથી ઊંચી પર્વતમાળાનો નજારો જોઈ શકો છો.

મસ્તીખોર છે અહીંનું વાતાવરણ

જોકે, દાર્જિલિંગ એક મસ્તીખોર મિત્ર જેવું છે. તેના મૂડ વિશે કંઈ ચોક્કસ કહી શકાય તેમ નથી. અહીં ઘણીવાર એવું બનતું હોય છે કે, તમારાથી 100 મીટર દૂર ધોધમાર વરસાદ પડતો હોય અને તમે સાવ કોરા ધાક્કોર ઊભા હોવ. આવા જ વાતાવરણને કારણે કાંચનજંગા વર્ષના મોટાભાગનો સમય ધુમ્મસથી ઢંકાયેલી રહે છે. તમને તેને જોવાનો સૌથી સારો મોકો ટાઈગર હિલ પરથી મળી શકે છે જ્યાં તમે વહેલી સવારના કલાકોમાં સૂર્યોદય સમયે આ લ્હાવો લઈ શકો છો.

from Lifestyle Tips in Gujarati, જીવનશૈલી ટીપ્સ, Daily Lifestyle Tips – Page Array – I Am Gujarat https://ift.tt/2zNLseZ


from Gujarati Blog Tips-In this guide we are going to see how to Advertise On Facebook,Free Website https://ift.tt/2PlX6bk