આટલું કરશો તો મહિનાઓ સુધી ફ્રેશ રહેશે આદુ, ફેંકવાની નોબત નહિ આવે

આદુ સ્ટોર કરવાની રીતઃ

શાકભાજી અને ફળોની વાત આવે તો તે કોઈ દેખીતા કારણ વિના જ થોડા દિવસમાં બગડી જાય છે. પરંતુ ફૂડ એક્સપર્ટ્સના જણાવ્યા મુજબ જો તેમને બરાબર સ્ટોર કરવામાં આવે તો તે લાંબો સમય સુધી ફ્રેશ રહી શકે છે. આદુ એક એવી ફૂડ આઈટમ છે જેની યોગ્ય કાળજી રાખવી જરૂરી છે નહિં તો તે બગડી શકે છે. આપણે ઘણીવાર મોટા જથ્થામાં આદુ ખરીદી લઈએ છીએ અને પછી તે સૂકાઈ જાય કે પોચુ પડી જાય કે પછી તેમાંથી વાસ આવવા માંડે એટલે ફેંકી દેવુ પડે છે. આજે અમે તમારી સાથે જે ટિપ્સ શેર કરવા જઈ રહ્યા છીએ તેની મદદથી આદુ લાંબો સમય ફ્રેશ રહી શકશે.

કેવુ આદુ ખરીદવુ જોઈએ?

આદો ખરીદતી વખતે ધ્યાન રાખો કે તેની છાલ સ્મૂધ હોય અને આદુ કડક હોય અને વજન વાળુ હોય. પોચા, કરચલી વાળા આદુ ખરીદવાનું ટાળવુ જોઈએ.

પેપર બેગ, ટુવાલઃ

આદુને કાંતો પેપર બેગ અથવા તો પેપર ટોવેલમાં સ્ટોર કરી ફ્રીઝમાં રાખવુ જોઈએ. ધ્યાન રાખો કે આદુના ટુકડા બરાબર વીંટળાયેલા છે અને તેને બહારની હવા કે ભેજ નથી અડતી.

ઝિપ લોક બેગઃ

આદુની સુગંધ અને સ્વાદ બરકરાર રાખવા માટે આદુને આવી એરટાઈટ ઝિપ લોક બેગમાં રાખી લો. આમ કરવાથી એક મહિના કરતા વધુ સમય સુધી આદુ ફ્રેશ રહી શકે છે.

એસિડિક લિક્વિડઃ

આદુની છાલ કાઢીને તેને લીંબુના રસ કે વિનેગરમાં ડૂબાડી બરણીમાં ભરી દો. આ આદુ વાપરતા પહેલા તેને બે ત્રણ વાર પાણીથી બરાબર ધોઈ નાંખો.

ટુકડા કરોઃ

જાણીતા શેફ એવું કહે છે કે આદુને ઝીણુ સમારી એરટાઈટ કન્ટેનરમાં ભરી ફ્રીઝરમાં મૂકી દેવુ જોઈએ. આમ કરવાથી આદુની ફ્લેવર મહિનાઓ સુધી જળવાઈ રહે છે.

વેક્યુમ બેગઃ

તમે વેક્યુમ સીલ બેગમાં આદુ સ્ટોર કરી શકો છો. બસ આદુને આ રીતે કોથળીમાં પેક કરી ફ્રીઝરમાં મૂકી દો અને જરૂર પડે ત્યારે યુઝ કરો.

from Page Array – I Am Gujarat https://ift.tt/2DzIrDh


from Gujarati Blog Tips-In this guide we are going to see how to Advertise On Facebook,Free Website https://ift.tt/2PunboY