હિન્દી સિનેમામાં હોરર ફિલ્મોના ‘જન્મદાતા’ તુલસી રામસેનું નિધન

બોલિવૂડમાં હોરર ફિલ્મ્સ માટે પ્રખ્યાત હતા તુલસી રામસે

બોલિવૂડ ફિલ્મ ઉદ્યોગમાં હોરર ફિલ્મોની શરૂઆત કરનાર ડિરેક્ટર તુલસી રામસેનું શુક્રવારે મુંબઈમાં નિધન થઈ ગયું. તેઓ 77 વર્ષના હતા. તેમણે બોલિવૂડમાં દો ગજ જમીન કે નીચે, બંધ દરવાજા, વીરાના, પુરાના મંદિર, સામરી, પુરાની હવેલી જેવી અનેક હોરર ફિલ્મો અને સાથે જ ઝી હોરર શો જેવા ટીવી શોનું પણ નિર્માણ અને ડિરેક્શન કર્યું હતું.

તેમની ફિલ્મોને રામસે બ્રધર્સ તરીકે પણ ઓળખવામાં આવે છે

તુલસી રામસેના પરિવારજનોના કહેવા પ્રમાણે તેઓને છાતીમાં દુખાવો ઉપડ્યો હતો ત્યારબાદ હોસ્પિટલમાં દાખલ કર્યા બાદ ત્યાં જ તેમનું મૃત્યુ નીપજ્યું હતું. તુલસી તેમના પરિવારમાં 7 રામસે બ્રધર્સ પૈકીના એક હતા. તમામ રામસે બ્રધર્સ ફિલ્મોમાં જોડાયેલા હતા અને માટે જ તેમની હોરર ફિલ્મોને રામસે બ્રધર્સ ફિલ્મ તરીકે ઓળખવામાં આવે છે.

સુપરહિટ હોરર ફિલ્મ્સ બનાવતા હતા રામસે બ્રધર્સ

એક સમય એવો હતો કે રામસે બ્રધર્સની ફિલ્મો જ હોરર ફિલ્મોનો પર્યાય બની ગઈ હતી. આ હોરર ફિલ્મ્સ દર્શકોને ખૂબ જ પસંદ આવતી હતી અને સુપરહિટ સાબિત થઈ હતી. એવું કહેવાય છે કે ફિલ્મ વિતરકો પણ રામસે બ્રધર્સની ફિલ્મ હાથોહાથ લેતા હતા કારણકે આ ફિલ્મ સુપરહિટ રહેવાને કારણે તેમને ઘણો જ નફો મળતો હતો.

from Entertainment News in Gujarati: Latest Entertainment News, Read Breaking Entertainment News – Page Array – I Am Gujarat https://ift.tt/2Gm1suY


from Gujarati Blog Tips-In this guide we are going to see how to Advertise On Facebook,Free Website https://ift.tt/2QEEYud