ભારત નહીં આ દેશમાં જન્મા હતા કાદર ખાન, જાણો તેમની અજાણી વાતો

કાદર ખાનનું 81 વર્ષની વયે નિધન

બોલિવૂડમાં પોતાના દમદાર એક્ટિંગ અને ડાયલોગ રાઈટિંગના દમ પર જગ્યા બનાવનારા કાદર ખાનનું 81 વર્ષની વયે નિધન થઈ ગયું. કાદર ખાન વિશે આ વાત ઘણા ઓછા લોકો જાણે છે કે તેમનો જન્મ અફઘાનિસ્તાનના કાબુલમાં થયો હતો. તેમના પિતા કંધારના નિવાસી હતા, અને તેમની માતા પાકિસ્તાનના પિશીન જિલ્લાની હતી, જે વિભાજન પહેલા ભારતનો ભાગ હતો.

મુંબઈમાં કર્યો અભ્યાસ

મ્યુનિસિપલ સ્કૂલમાં અભ્યાસ કર્યા બાદ તેમણે મુંબઈની ઈસ્માઈલ યુસૂફ કોલેજમાં એડમિશન લીધું. આ બાદ તેમણે ઈન્સ્ટીટ્યૂશન ઓફ એન્જિનિયર્સમાં સિવિલ એન્જિનિયરિંગની ડિગ્રી પણ મેળવી. 1970થી 1975 સુધી તેમણે એક કોલેજમાં એન્જિનિયરિંગ પ્રોફેસર તરીકે કામ કર્યું.

આવી રીતે થઈ બોલિવૂડમાં એન્ટ્રી

કોલેજ ફંક્શન દરમિયાન કાદર ખાને એક પાત્ર ભજવ્યું હતું. આ ફંક્શનમાં મહેમાન બનીને એક્ટર દિલીપ કુમાર પહોંચ્યા હતા. તે કાદર ખાનની એક્ટિંગથી ખૂબ જ ઈમ્પ્રેસ થયા અને તેમણે ફિલ્મ માટે સાઈન કરી લીધા. તેમને ફિલ્મ ‘જવાની દિવાની’ના ડાયલોગ લખવા માટે ઓફર મળી, જે બાદ તેમની બોલિવૂડની જર્ની શરૂ થઈ ગઈ.

દાગ ફિલ્મથી એક્ટિંગ ડેબ્યૂ

એક્ટિંગ ડેબ્યૂ કાદર ખાને ફિલ્મ ‘દાગ’થી બોલિવૂડમાં એક્ટર તરીકે એન્ટ્રી કરી, જેમાં રાજેશ ખન્ના લીડ રોલમાં હતા. આ ફિલ્મમાં કાદર ખાને વકીલનું પાત્ર ભજવ્યું હતું. આ બાદ તેઓ ઘણી ફિલ્મોમાં સપોર્ટિંગ એક્ટરના રૂપમાં જોવા મળ્યા હતા.

કોમેડી ફિલ્મોમાં ખૂબ સફળ રહ્યા

કાદર ખાને બોલિવૂડની ઘણી ફિલ્મોમાં વિલન તરીકે કામ કર્યું. વિલનના પાત્રમાં નામના મેળવ્યા બાદ તેમણે કોમેડીમાં પણ હાથ અજમાવ્યો જેમાં તેઓ સફળ રહ્યા. ફિલ્મ ‘હિમ્મતવાલા’ અને ‘આજ કા દૌર’ બાદ 1989થી તેમણે સતત કોમેડી ફિલ્મો કરવાનું શરૂ કરી દીધું. 1982થી લઈને 2005 સુધીનો પીરિયડ કાદર ખાનના કરિયરનો સૌથી સફળ સમય માનવામાં આવે છે.

from Page Array – I Am Gujarat http://bit.ly/2Qe7DB5


from Gujarati Blog Tips-In this guide we are going to see how to Advertise On Facebook,Free Website http://bit.ly/2F1MHMB