નવા વર્ષની શરૂઆત પહેલા સારા સમાચાર, પેટ્રોલ-ડીઝલ થયું સસ્તુું

વર્ષના છેલ્લા દિવસે પણ ઘટાડો

દેશની પેટ્રોલિયમ કંપનીઓએ વર્ષ 2018ની વિદાય પહેલા ગ્રાહકોને સારા સમાચાર આપ્યા છે. નવા વર્ષની પૂર્વ સંધ્યા પર પેટ્રોલ 2018ના સૌથી સસ્તા દરે મળી રહ્યું છે. આજે પેટ્રોલના ભાવમાં 20 પૈસા જ્યારે ડીઝલના ભાવમાં 23 પૈસાનો ઘટાડો થયો છે. આજે ડીઝલનો ભાવ છેલ્લા નવ મહિનાની સરખામણીએ સૌથી ઓછો છે.

છેલ્લા 73 દિવસોમાં સસ્તું થયું પેટ્રોલ-ડીઝલ

દિલ્હીમાં આજે પ્રતિ લિટર પેટ્રોલનો ભાવ 68.84 રૂપિયા છે જ્યારે ડીઝલનો ભાવ 62.86 રૂપિયા છે. 18 ઓક્ટોબર બાદ પેટ્રોલ-ડીઝલના ભાવમાં સતત ઘટાડો નોંધાઇ રહ્યો છે. 18 ઓક્ટોબરથી અત્યારસુધીમાં પેટ્રોલ 13.79 રૂપિયા સસ્તું થયું છે. જ્યારે આ જ સમયગાળા દરમિયાન ડીઝલ 12.06 રૂપિયા સસ્તું થયું છે.

રેકોર્ડ બ્રેક મોંઘુ થયું હતું પેટ્રોલ

4 ઓક્ટોબરે મુંબઇમાં પેટ્રોલ 91.34 રૂપિયા જ્યારે દિલ્હીમાં 84 રૂપિયાના રેકોર્ડ બ્રેક ભાવ પર પહોંચ્યું હતું. આ જ દિવસે મુંબઇમાં ડીઝલનો ભાવ 80.10 રૂપિયા જ્યારે દિલ્હીમાં ડીઝલનો ભાવ 75.45 રૂપિયા હતો. જે બાદ કેન્દ્ર સરકારે પેટ્રોલ-ડીઝલ પર એક્સાઇઝ ડ્યુટીમાં 1.50 રૂપિયાનો ઘટાડો કર્યો હતો.

નવા વર્ષે પણ થશે ફાયદો

કાચા તેલની આંતરરાષ્ટ્રીય કિંમતોમાં સતત વધારાના કારણે 17 ઓક્ટોબરે દિલ્હીમાં પેટ્રોલ અને ડીઝલનો ભાવ ક્રમશઃ 82.83 રૂપિયા અને 75.69 રૂપિયા હતો. પરંતુ કાચુ તેલ સસ્તું થવાના કારણે પેટ્રોલ-ડીઝલના ભાવમાં સતત ઘટાડો નોંધાયો છે. ઓઇલ ઇન્ડસ્ટ્રીના જણાવ્યા પ્રમાણે નવા વર્ષના કેટલાક દિવસો સુધી પણ પેટ્રોલ-ડીઝલના ભાવમાં ઘટાડો થતો રહેશે.

from Page Array – I Am Gujarat http://bit.ly/2EVMuJY


from Gujarati Blog Tips-In this guide we are going to see how to Advertise On Facebook,Free Website http://bit.ly/2EZct3V