વૈશ્વિક વેચાણમાં મંદી છતાં ભારતનું ઓટો માર્કેટ ‘ટોપ ગિયર’માં

67332274

કેતન ઠક્કર

મુંબઈ:ચીનના વેચાણમાં ઘટાડાને કારણે વૈશ્વિક ઓટોમોબાઇલ માર્કેટમાં દાયકાની પહેલી મંદી છતાં ભારતે 2018માં સૌથી વધુ ઝડપે વધી રહેલાં હળવાં વાહનોના ટોપ-5 બજારોમાં સ્થાન જાળવી રાખ્યું છે. IHS માર્કિટના જણાવ્યા અનુસાર ભારતીય બજારમાં 8.6 ટકાની વૃદ્ધિ સાથે 40 લાખ યુનિટ્સના વેચાણનો અંદાજ છે. જેની તુલનામાં ચાલુ વર્ષે ચીન અને જર્મનીમાં વેચાણ ઘટવાની તેમજ અમેરિકા, જાપાનમાં વોલ્યુમ સ્થગિત રહેવાની શક્યતા છે.

ઉલ્લેખનીય છે કે, છેલ્લા કેટલાક સમયમાં ફાઇનાન્સ અને ઇન્શ્યોરન્સ ખર્ચમાં વૃદ્ધિ તેમજ પેટ્રોલ-ડીઝલના ભાવવધારા સહિતનાં પરિબળો છતાં ભારતે ઓટોમોબાઇલ માર્કેટમાં ઝડપી વૃદ્ધિ જાળવી છે. વાસ્તવમાં 2018માં ભારતીય બજારમાં વાહનોના વેચાણની વૃદ્ધિ અગાઉના વર્ષના 8.2 ટકાની તુલનામાં 0.4 ટકા વધુ રહી છે.

અગાઉ બ્લૂમબર્ગે ચાલુ મહિને જારી કરેલા અહેવાલમાં RBC કેપિટલ માર્કેટ્સને ટાંકીને જણાવ્યું હતું કે, ઓટોમોબાઇલ ઉદ્યોગના ઉત્પાદનમાં 2009 પછી પહેલી વખત ઘટાડો નોંધાશે. જોકે, 2018માં ભારતના ઓટોમોબાઇલ માર્કેટની વૃદ્ધિ રશિયા અને બ્રાઝિલ કરતાં ધીમી રહી છે. આ બંને બજારોમાં ઘણાં વર્ષોના ઘટાડા પછી વાહનોનું વેચાણ 12-14 ટકાની રેન્જમાં વધવાનો અંદાજ છે.

IHS માર્કિટના સિનિયર એનાલિસ્ટ (ફોરકાસ્ટિંગ) ગૌરવ વાંગલે જણાવ્યું હતું કે, “ભારતમાં ઉત્પાદન 7.5 ટકા વધીને 48 લાખ યુનિટ્સ થવાનો અંદાજ છે. સમાન ગાળામાં વેચાણ 8 ટકા વધીને લગભગ 40 લાખ યુનિટ્સ રહેશે. આવો વૃદ્ધિદર ફોક્સવાગન અને ટોયોટા જેવી વૈશ્વિક કંપનીઓને વધુ ભરોસો આપશે. અત્યાર સુધી આ કંપનીઓએ ભારતીય બજારમાં મોટું વિસ્તરણ કર્યું નથી.”

2019માં વાહનોના વેચાણનો અંદાજ જાહેર કરાયો નથી, પણ ભારતીય બજાર 2021 સુધીમાં અંદાજિત 50 લાખ યુનિટ્સના વોલ્યુમ સાથે ટોચના ત્રણ લાઇટ વ્હિકલ માર્કેટમાં સ્થાન મેળવશે. ટોયોટા કિર્લોસ્કરના ડેપ્યુટી એમડી એન રાજાએ જણાવ્યું હતું કે, “GDPમાં વૃદ્ધિ અને વસતીમાં યુવાઓના મોટા હિસ્સાને કારણે આગામી કેટલાક દાયકામાં વાહનોના વેચાણને વેગ મળશે.”

રાજાએ જણાવ્યું હતું કે, “અર્થતંત્રની વૃદ્ધિથી પેસેન્જર વ્હિકલ્સની માંગમાં વધારો નોંધાશે.” તેમણે કહ્યું હતું કે, “ભારતની માથા દીઠ આવક 5,000 ડોલરને વટાવશે પછી તેના બજારમાં ચીનની જેમ વાહનોના વેચાણમાં વધુ ઉછાળો નોંધાશે. શહેરી બજારોમાં વાહનોનું વેચાણ ધીમું પડ્યું છે, પણ ગ્રામીણ માંગ આગામી સમયમાં વૃદ્ધિનું મહત્ત્વનું પરિબળ રહેશે.”

ભારતીય બજારમાં વૃદ્ધિની તકને ઝડપી લેવા ટોયોટા મોટર કોર્પોરેશને સુઝુકી મોટર સાથે ભાગીદારી કરી છે. જેનો લાભ ટોયોટાને 2019થી મળવાનો શરૂ થશે. અન્ય કાર કંપની ફોર્ડે યુટિલિટી વાહન ઉત્પાદક M&M સાથે જોડાણ કર્યું છે. ફોર્ડ ઇન્ડિયાના અનુરાગ મેહરોત્રાએ જણાવ્યું હતું કે, “ભારતમાં દર 1,000 લોકોએ 25 લોકો પાસે જ કાર હોવાથી ટૂંકા ગાળાના અવરોધ છતાં વાહનોનું વેચાણ 10 વર્ષ સુધી 10 ટકા ચક્રવૃદ્ધિ દરે વધવાનો અવકાશ ધરાવે છે.”

from Page Array – I Am Gujarat http://bit.ly/2VmQskH


from Gujarati Blog Tips-In this guide we are going to see how to Advertise On Facebook,Free Website http://bit.ly/2EXjIZw